CD Ourense, 7 - Baixa Limia, 2

O sábado 26 de xuño enfrontámonos a lexendarios xogadores de C. D. Ourense no estadio do Couto.

O noso conxunto estaba considerablemente mermado polas numerosas baixas, polo que houbo que recurrir a reforzos de última hora, todos eles (por suposto) da Baixa Limia e que en breve deberán formar parte xa de pleno do equipo. Estamos a falar de Javi, Suso, Ismael e Miguel, todos eles de contrastada calidade.

Era a primeira vez que o noso equipo pisaba o principal campo de fútbol da provincia e o certo é que nos primeiros minutos houbo bastante igualdade no xogo, chegando a colocarnos con 1-2. Pero entón C.D. Ourense, sorprendido de saída, comezou a presionar con maior intensidade, aumentou o ritmo e fíxose dominador do encontro. É evidente que o baixón físico da nosa parte tamén contribuíu a desequilibrar o partido.

Desde os Veteranos da Baixa Limia queremos agradecer a acollida que nos fixeron os xogadores do Ourense, que culminou cunha cea nun restaurante de Oira, e especialmente ó "contacto", Aníbal.