O 10 de xullo viaxaremos a Vila do Conde

O sábado 10 de xullo visitaremos ós nosos vellos amigos de Vila do Conde.

Hai que recordar a todos os participantes deste xuntanza xa clásica que moi probablemente se entreguen os premios correspondentes ó escrutinio realizado na nosa anterior visita a Vila do Conde.

Lémbrovos a todos a necesidade de que se tedes algo que obxetar ós resultados que o fagades canto antes nos comentarios (abaixo). Debedes saber que hai quen non está de acordo co que alí se votou e está decidido a resolver o asunto polas boas ou polas malas, ameazando con unha revolución en toda regla. Parece ser que ós votantes non se lle deu un período de reflexión adecuado e que hai quen se sente perxudicado. É evidente que a trascendencia deste referendum é grande e moita xente non se resigna a quedar fóra da historia. Os resultados podédelos ver pinchando aquí.

No que respecta ó meramente deportivo, as noticias din que os dous equipos están facendo unha preparación exhaustiva, tal como se sospeitaba tras o encontro en Entrimo, no que ninguén saíu moi contento. É unha incógnita a táctica que empregará Galán, o técnico da Baixa Limia; os entrenamentos están sendo todos a porta pechada, pero hai rumores que din que igual se atreve cun plantexamento ofensivo con tres dianteiros e un mediapunta creador, en vista da escasa efectividade mostrada nos últimos encontros.

O conxunto da Baixa Limia espera contar novamente coa presenza de Gayol, quen, ofendido por os comentarios que se verteron sobre os motivos da súa ausencia no encontro de ida, pretende calar todas as bocas que dubidaron da súa implicación. "Eu non me borro nunca", foron as súas palabras á prensa local.

Dos amigos de Vila do Conde non se sabe tampouco gran cousa. Eso sí, esperamos que o noso compañeiro Xavier logre infiltrarse en algún dos seus adestramentos e consiga polo menos descubrir algunha das xogadas de estratexia que din que están a preparar.

Polo que se refire precisamente a Xavier, tamén comeza a haber algúns comentarios motivados pola súa non aparición nos últimos encontros. As versións que circulan son do máis variado, pero toman peso aquelas que afirman que tal vez estea tramando a súa fichaxe por outro equipo ou simplemente que estea gardando forzas para o encontro de Vila do Conde, onde, ó parecer, ten unha gran masa de adeptos que o adoran e ante a cal quere lucir as súas mellores cualidades. As especulacións siguen abertas.

Vémonos o sábado 10 de xuño, para seguir enchendo o baúl dos bós recordos, que xa son moitos.